قصة الكتاب ولوسيفر , القصه الكامله من ( الكتاب ولوسيفر )
مستحيل يكون الي حصل دا بجد اكيد انا بحلم
القصه الي حصلت مع بنت طالبه في الجامعه
ومن الناس المجتهده الي بتسهر عشان تكون متفوقه في دراستها كانت في مكتبه في الجامعه وكانت ديما بتبحث عن حجات تبع دراستها لزياده درجاتها في الأعمال السنويه وكانت بتتاخر اوقات كتير في المكتبه
وكان من طبع المكتبه انها بتقفل متأخر بسبب أعمال في الجامعه وفي المكتبه وكان لازم يتم تنضيفها يوميا ولكن مسائا عشان الطلاب لما يدخلو الجامعه الصبح يكون كل حاجا منظمه ومتنضفه وفي يوم كان غريب اووي الاوضاع الجويه كانت صعبه وبدات السما بالمطر بطريقه شديده وهيا كانت خايفه تخرج في الوقت دا عشان متتبهدلش او يحصل حاجا في الطريق او تتكهرب
فضلت قاعده لفتره أطول من قعدتها مستنيه لما المطر يهدأ وتخرج من المكان
بس كانت بتبحث عن كتاب معين من الدور الثاني المكتبه وملقتهوش سئلت عامل المكتبه قالها الأجزاء كلها في الدور الأرضي بس بلاش تنزلي خليها بكره الصبح افضل
قالتله ليه الصبح مش دلوقتى
قالها بحجه ان الوقت متأخر والانوار ضعيفه تحت
قالتله لا انا ها انزل اجيب الكتاب وبعد كدا ها اطلع اكتب منه شويه وها اخده معايا وانا مروحه
قالها لا مش ها ينفع تنزلي خليها يوم تاني
راحت سيباه ونازله تجيب الكتاب
الدور الارضي عباره عن سلم لتحت المكتبه والجامعه
فيه طريق ديق يادوب يمشي واحد فيه بالعافيه
الطرقه الانوار فيها ضعيفه شويه وكان في لمض بتولع وتطفي باين انها بايظه
وكانت المكتبه تحت متكونه من أربع صفوف
وكل صف فيه طرقه بس كانت ضالمه مفيش نور غير على الكتب وبس
بس الي لفت انتباهي حاجا غريبه اووي
اشمعنا الصف الرابع دا مفيش نور عليه خالص
وليه محدوف بعيد كدا ومش قريب زي التانيين
انا لازم اروح اشوفو
بس الاول اجيب الكتاب الي جيت عشانه
روحت جيبت الكتاب الي جيت عشانه ونورت فلاش الفون ودخلت على الصف الرابع دا
كان مليان ترااب ومتبهدل جدا وكأن ممنوع حد يقربله
بس انا قربت وفضلت ابص على الكتب كلها كتاب كتاب
بس في كتاب شدني اووووى
هوا كان اسود جدا جدا ومفيش عليه غير كلمه وحده
لعنتي بدأت
انا مشغلتش دماغي بالكلام وأخذت الكتاب
واول ما اخدته لقيت الصف بيتحرك جامد اووووى
وفي أصوات غريبه بتطلع من الطرقه
والانوار بتطفي وتفتح بسرعه اوووي
وشوفت خيال حد قصادي بالظبط وبيقرب عليا
انا صرخت باعلا صوتي الحقووووووني
لقيت العامل نازل يجري على السلم ويقول في ايه ايه الي حصل
اول ما نزل المكان هدى خالص وكأن مفيش حاجا حصلت اساسا
قولتله على الي حصل
قالي انتي جيبتي الكتاب دا منين
قولتله من الصف الرابع دا
قالي طب بعد أزنك حطيه مكانه ومتجيش هنا تاني
قولتله مش ها احطه ها اقرأ فيه وبعد كدا ها ارجعهولك
قالي لا مش ها ينفع تخرجي بيه من هنا
قولتله لا ها اخرج ولو مخلتنيش اخرج بالكتاب دا انا ها أبلغ المدير
قالي بلاش يا انسه بعد أزنك
قولتله انا ها اشوفو بيتكلم عن ايه وبعد كدا ها ارجعه مكانه
لقيته بصلي بصه وحشه جدا ومليانه غضب ومشي من غير ما حتي يتكلم
انا طلعت وراه جري واخدتي حجاتي وطلعت روحت
كانت الساعه بقت 11
وانا لحسن حظي الجامعه كانت قريبه من البيت
ماشيه في الطريق والكتاب معايا
لقيت خيال طلع قصادي فجأه
انا اتخضيت ووقعت على الأرض
والكتاب اتفتح
ببص في الكتاب لقيته مكتوب فيه
سوف تنامين في أحضان الجحيم
انا صراحه مشغلتش بالي ولميت الكتاب ومشيت
وحسيت ان الخيال دا ورايا ماشي فا سرعت رجلي
لحد ما وصلت البيت دخلت البيت وبعد كدا قفلت ورايا
وكنت بجد مرعوبه وخايفه يحصلي حاجا من البتاع الي مش عارفه تفسيره الي بيمشي ورايا دا
مردتش احكي لأهلي حاجا ودخلت اوضتي غيرت هدومي
وقعدت على المكتب ابص في الكتاب شويه
فتحت الكتاب حسيت بصهد كدا وسخونه مش طبيعيه
كأني قصاد ناااار شديده
وبعد كدا اختفت
انا اتخضيت وتمالكت اعصابي
وبدأت اقرا في الكتاب
الكتاب اول ما فتحته لقيته مليان كتابات كتيره اووي
مكتوب في اول صفحه سوف تنامين في أحضان الجحيم
والصفحه التانيه مكتوب كلام مش مفهوم باين انها طلاسيم
بس الصفحه التالته شدتني اووووى بكلامها
مكتوب فيها
يا من حملت الكتاب بيدك سوف تصيبك لعنه
لوسيفر ابن الشيطان
ولن تخرج منها الا بالموت
ومره وحده اتقفل الكتاب
والاوضه ضلمت مره وحده
ولقيت قصادي الخيال وقرب عليا وبدأ يخنقني جدا
وانا كنت حاسه اني ها اموت خلاص
لحد ما لقيته سابني مره وحده والنور رجع
انا قعدت اصرخ بأعلى صوت واعيط جامد
لحد ما اهلي دخلو عليا وهدوني وقولتلهم كل حاجا
واخدت الكتاب بعد ما هديت وحطيته في آخر درج في مكتبي وقفلت عليه بالقفل وروحت نايمه
وانا نايمه حلمت اني في مكان مهجور وواسع اووي
ومظلم جدا ومفيهوش الا إضاءة خفيفه من القمر
شوفت الخيال الي كان بيمشي ورايا لوسيفر الي خنقني وقالي انه ابن الشيطان لقيته قرب عليا جدا جدا
وشوفته قصادي بهيئته كامله
كان ضخم جدا وقرونه كبيره ومخالبه كبيره واسنانه بتنزل دم بطريقه كبيره كان شكله مرعب اووي
وقالي بنفس اللفظ كدا
سوف اتيكي في أحلامك حتي تقومين بقتل نفسك
لقد جعلتيني اخرج من سباتي العميق
ولن اتركك تعيشين بعد هاذا الوقت
ولقيته مسكني تاني وفضل يخنق فيا
ويضحك بمنظره المرعب
انا نفسي اتكتم خالص ومكنتش قادره اتنفس
لحد ما حسيت اني بموت خلاص
ومره وحده لقيتني صحيت
وقاعده قصاد المكتب بتاعي وعلى الكرسي والكتاب مفتوح
طب ازاي وانا قافله الدرج بالقفل بايدي
والمفتاح انا مخبياه ومحدش يعرف مكانه
ببص على الدرج لقيته مقفول بالقفل ومش مفتوح اساسا
انا اترعبت اكتر واكتر وقولت شكل الي بيحصل دا حقيقي ومش تهيأت زي ما انا كنت بحس
بعد ما طلعلي بالمنظر دا يبقى انا كدا ها اموت
انا لازم اشوف الكتاب دا بيتكلم عن ايه
مسكته وقلبت على الصفحه الرابعه
لقيتها مكتوب فيها لوسيفر أقوى أبناء ابليس
مستعمر أجساد البشر
معذب الأرواح وقاتل الأجساد
من يريد تحضيره يفتح الكتاب ويقرا هاذا الكلام
وينظر لبدايه الكتاب على طلاسيم الاحضار
ولن يترك من احضره حتي يمووووت
انا جسمي اترعش واترغبت وقولت انا خلاص ميته ميته مفيش حاجه تانيه
وفكرت في اهلي وقولت كانو حطيت املهم فيا اني اكون حاجا كبيره في المستقبل
ولكن الفضول ها يقتلني
قفلت الكتاب وبدأت افكر في حل اخرج منه
لقيت الباب بيخبط
والساعه كانت 4 بعد منتصف الليل
روحت ابص من العين السحريه
لقيت قطه كبيره جدا رجليها تحت
وايديها فوق وبصالي من العدسه وبتضحك
وبتخبط جامد جدا
انا اتفزعت وفضلت اصرخ اصرخ جامد واعيط لحد ما البيت كله صحي وقولتلهم فتحو الباب ملقوش حاجا
قالولي انتي اتجننتي صح كدا
قولتلهم انا شوفت القطه منظرها كان مرعب
قالولي خشي نامي وبكره ها تكوني كويسه
روحت انام مقدرتش انام نهائيا
جسمي مرهق جدا ومتكسر
مش قادره اخد نفسي
وطول الوقت جسمي سخن
بس جيه مره وحده وشوفت منظر عمري ما ها انساه لحد دلوقتى
لقيت اهلي كلهم قصادي متقطعين والاوضه كلها مليانه دم
ومفيش الا اختي الصغيره عماله تصرخ وتعيط والدم بيسيل على جسمها عشان ماما كانت متعلقه قصادها متقطعه
المنظر رعبني اووووى وكنت ها اموت من الي شوفته
بس لقيت مره وحده كل حاجا اختفت
ولا كأن في حاجا
قومت جريت ابص عليهم لقيتهم كويسين ومفيش حاجا
تاني يوم لبست وروحت المكتبه عشان اقول للعامل الي قالي ماخدش الكتاب يمكن يكون عارف حاجا عن الموضوع دا
وحكيتلو عن كل حاجا حصلت معايا
لقيت وشه قلب الوان
وقالي انتي فتحتي الكتاب وقريتي فيه ايه
قولتله لقيت مكتوب سوف تنامين في أحضان الجحيم
والصفحه التانيه مكتوب كلام مش مفهوم باين انها طلاسيم
والصفحه التالته كان كلام عن لوسيفر
وطلعلي الجن دا وخنقني وكان ها يموتني
قالي انتي كدا حضرتيه
وطول ما هوا اتحضر مش ها ينصرف الا لما يقتلك ويقتل عيلتك كلها
قولتله طب الحل ايه انا مش عاوزه عيلتي تموت
قالي في حالين اما تضحي بنفسك عشان عيلك وتسلميلو جسدك
او انك تقدمي قرابين للجن ويتقبلها منك أو لأ
قولتلو لا انا معرفش الكلام دا
شوف حل تالت
قالي مفيش غير اننا نروح لشيخ بالكتاب وهوا يشوف حل
قولتله ماشي يالا حالا نروح
قالي لاء دا ها يكون بليل لانه شغله في الأعمال السفليه
وصعب نروح دلوقتى خالص
قولتله خلاص ها اخد رقمك وارن عليك بليل ونروح سوا
قالي ماشي ها استنى مكالمتك
وسيبته ومشيت وانا بفكر في الشيخ دا ها يعمل ايه
رنيت عليه الساعه 8 وقولتله يالا
قالي تمام تعالي المكتبه ونمشي مع بعض
روحت المكتبه كان مستنيني بعربيه غريبه كدا
ركبت معاه ومشينا
دخلنا مكان غريب شويه بس عادي
مفيهوش غموض ولا خوف
بس كانت البيوت قديمه شويه
كأنها بقالك 100 سنه
نزلنا انا وهوا من العربيه
ودخلنا شارع ديق شويه
وكان في بيت كبير دور اول دخلنا فيه
تفاصيل البيت كانت مرعبه
البيت المدخل بتاعه عادي خالص
بس تيجي تخش على المكان بتاع الشيخ
تحس بالرعب الحقيقي بجد
الحيطان كلها طلاسيم ومكتوب عليها نجمه الشيطان
شموع في كل حته في الاوضه والبخور
وفي رهبه في المكان غريبه
دا غير أن الحيطان كلها مكتوب عليها النقوش بالدم
اول ما دخلنا هوا كان يعرف العامل سلم عليه
وحكالو عن القصه كلها
لقيت الشيخ دا اتقلب 180 درجه
قالو انا مش قولتلك الكتاب تخفيه ازاي وصل ايدها
لقيت العامل اتخض وقالو انا خفيته بس هيا فضلت تدور لحد ما لقيته
قالو انتا عبيط في حد يخلي كتاب زي دا في مكتبه
العامل قاله البدروم محدش كان بيخشه اساسا وانا كنت خافيه في الصف الرابع في جزء مظلم محدش كان يخطر علي باله انه يروح يشوفو او يجيبه
قالو الشيخ بس هيا راحت وجابته وفتحته وطلعت لوسيفر منه ودي مصيبه كبيره ولازم نشوف حل
لقيته بيقولو وفين الكتاب
العامل قاله معاها
قالو طب هاتو بسرعه عشان نشوف الوضع دا
ولقيت الشيخ بيسئلني اي الي حصل معايا من اول ما مسكت الكتاب
وانا قولتلو كل حاجا
قالي تمام لازم نخلص من الموضوع دا النهارده
فضل يعمل حجات كدا ويقول كلام مفهمتوش
ومره وحده سكت وعينه قلبت ابيض وفضل يتكلم مع حد
وبعد شويه قالي ها تخدي الكتاب وترجعيه مكانه تاني
وتروحي البيت تعملي حجات ها اقولك عليها
وتفضلي في اوضتك ٣ ساعات متواصله في رقيه شرعيه وقران وتبخري اوضتك والبيت كله وفي كلام ها اقولك عليه تقوليه في كل اجزاء البيت وبعد كدا ها يختفي لوسيفر نهائيا من حياتك
عملت كل الي قال عليه
وحسيت بتحسن كبير اوووي
واعصابي هديت جدا
ومبقتش اتخيل اي حاجا
عدا اسبوع على الموضوع دا
ومحصلش حاجا نهائيا
رجعت لحياتي طبيعي
ودلوقتي انا موظفه واتجوزت وعايشه حياتي
تمت
